Eric's Blog
http://blog.900820.net
Yanzi..
二月 6th
估唔到$300飛都係坐咁後，同燕姿距離有點遠…
不過都唔緊要啦，琴日都好開心可以去到燕姿既演唱會，而且佢唱Live真係好好聽。
第一次見佢真人，感覺好好…值回票價
山頂位
NO OFFER
七月 29th
今日係JUPAS放榜既大日子!
不過其實放左AL成績後，呢個放榜既結果大家都已經心中有數…只係睇下自己運氣如何…
結果同我想像中一樣，派左我去CityU既Associate of Science in Building Services Engineering。
心入面又唔係太唔開心，因為我已經有曬心理準備，只係宜家連我最後既希望都幻滅埋。
不過見到D同學仔個個都入到曬自己心儀/次選既學系，都替佢地開心。 
Asso其實只係諗住唔想Repeat時都有條後路，所以最後都係諗住係沙崇讀多年中七星(希望佢地肯收我啦)。
其實Repeat都只係比起其他人讀多幾個月中學同埋考多一個AL姐，係漫長既人生中只係一個小波折。
我無理由咁都克服唔到既！
希望自己肯俾多D心機讀下書啦！下年再同你地會合！
未出發，先興奮
七月 20th
我地已經Plan好左今個月22至23號展開我地既2日1夜暢遊澳門之旅!
我地既團員有：Eric, Tommy, Alex Fung, Manie, Kitty
我地住既酒店：四星級駿景酒店(豪華房x2)
我地今次跟中旅社~最後埋單有來回船飛+4星級酒店(免費UPGRADE豪華房)+咀香園鳳凰卷x2+鉋冰x4
都係每人 $382 !! 真係抵到爛呀!!
重有兩日就去喇，真係好緊張，我地重諗住一齊去酒店度游早水 = =
希望果兩日既天氣會好好啦！
SERVER 重開後第一篇
七月 20th
早一排，900820.net發生了些事故（其實都是自己闖的禍 )，導致Server Down左幾日。
Server重開後，所有Data都被網存方面清空曬Orz。
經過一番談判後都係無功而回，結果係要以$500HKD作為資料復原費。
心諗我Server上面雖然有好多自己覺得有用既野，但始終唔值得用五百蚊黎復原。
最終，只好無奈接受失去一切既後果….
- 我存左好耐既Bookmarks
- 我幾個既mailbox
- 我整左好耐既Forum(s)
- 重有幾個自己好早期既心血作品(其實冇公開俾人睇過)
宜家付諸流水喇…. 
欲哭無淚
經過今次，我決定以後都會乖乖地定時定侯做好備份工作，以備不時之需。
宜家成個900820.net只剩下呢個Blog，希望遲Ｄ可以善用餘下既空間，好好咁架一個真正屬於自己既Blog。
最新回應